Azərbaycan

Tarixçə

Azərbaycan Xəzər dənizinin qərbində, Cənubi Qafqazda yerləşir. Azərbaycan quruda şimaldan Rusiya, şimal qərbdən Gürcüstan, cənub qərbdən Türkiyə, qərbdən Ermənistan, cənubdan İranla həmsərhəddir. Xəzər dənizi vasitəsilə isə Türkmənistan, Qazaxıstan, İran və Rusiya ilə su sərhədləri var. Azərbaycan ərazisinin bir hissəsi Dağlıq Qarabağ bölgəsi və ona bitişik 7 inzibati rayon Ermənistan Respublikası tərəfindən işğal edilmişdir. Bu, ölkə ərazisinin 20%-ni təşkil edir.Paytaxtı Bakı şəhəridir. Əhalisinin ümumi sayı 10 milyondur. Dünyada yaşayan azərbaycanlıların ümumi sayı isə 50 milyondur (İran İslam Respublikasında 30 milyon, Rusiya Federasiyasında 3 milyon, Türkiyə Cumhuriyətində 3 milyon, İraq Cumhuriyyətində 3 milyon, Avropada 1 milyon, Gürcüstan Respublikasında 500.000, ABŞ 450.000, Orta Asiyada 232.000).Azərbaycan tarixi dövlətlərin, imperatorluqların tərkibində olmuşdur: Manna, Midiya, Sasanilər, Albaniya, Atropatena, Şirvanşahlar, Rəvvadilər, Şəddadilər, Sacilər, Salarilər, Səlcuqlular, Qaraqoyunlular, Ağqoyunlular, Səfəvilər, Avşarlar, Qacarlar. Dünyadaki 11 iqlim qurşağının 9-u, Yer kürəsində bilinən 2000-dən artıq palçıq vulkanından 344-ü Azərbaycandadır. Azərbaycan dünyanın ən böyük üstü açıq muzeyine sahibdir: Qobustan qoruğu. 1918-ci ilin may ayının 28-də Azərbaycan'da şərqdə ilk demokratik respublika, şərqdə ilk dəfə qadınlara seçmə hüququnu tanıyan Azərbaycan Xalq Cumhuriyyəti quruldu. Azərbaycan Xalq Cumhuriyyətinin qəbul etdiyi üç rəngli bayraq, himn və digər milli atributlar 1991-ci il SSRİ-nin dağılmasının ardından Azərbaycan müstəqillik əldə etdikdən sonra da milli simvollar olaraq qəbul edildi.Azərbaycan unitar prezident respublikasıdır. Bir prezidentliyə namizəd 2 dəfədən artıq prezident seçilə bilməz. Seçilən namizəd 7 il müddətinə prezident vəzifəsini tutur.