Qazaxıstan

Tarixçə

Qazaxıstan — Mərkəzi Asiyada sahəsinə görə ən böyük dövlətdir. Paytaxtı 1997-ci ildən bəri Astana şəhəridir. Həmin vaxta qədər ölkənin paytaxtı Almatı şəhəri olmuşdur. Qazaxıstan şimalda, şimal-şərqdə və şimal-qərbdə Rusiya ilə, şərqdə Çin, cənubda isə Türkmənistan, Özbəkistan və Qırğızıstan ilə həmsərhəddir. Qərbdə, cənub-qərbdə Xəzər dənizi və Aral dənizi ilə hüdudlanır. 2017-ci il 1 yanvar tarixindən etibarən ölkə əhalisi 17,926,500 nəfərdir. Sahəsinə görə dünyada (2 724 900 kv.km) 9-cu yeri tutur. Qazaxıstan Avropada Təhlükəsizlik və Əməkdaşlıq Təşkilatı, Kollektiv Təhlükəsizlik Müqaviləsi Təşkilatı, Şanxay Əməkdaşlıq Təşkilatı, Avrasiya İqtisadi Birliyinin üzvüdür.Mərkəzi Asiya regionunda iqtisadi cəhətdən dominant ölkə hesab olunan Qazaxıstan regionun ÜDM-sinin 60%-nə sahibdir.1991-ci ildə SSRİ-nin parçalanmasından sonra Qazaxıstan ən son müstəqilliyini elan edən dövlətlərdən biri olmuşdur. 1998-ci ildə qəbul olunan konstitusiyaya əsasən Qazaxıstan demokratik və unitar dövlətdir.Qazaxıstan Respublikasının rəsmi dövlət dili qazax dilidir.